校長、各位老師、各位同學早晨：

我係二安班鄧承澤，飛鏢隊副隊長，今日我要同大家分享2019 年台灣香港中學飛鏢交流比賽點滴，係8/4-10/4 三日陳秀芬副校長、譚淑明老師同麥向新老師率領我地10個飛鏢隊隊員到台灣高雄市作交流比賽。

第一日，我哋早上6點在學校集合，大家都充滿著興奮和好奇心情出發。在飛機上大家稍作休息，準備後日比賽。

我哋大約十點半到達高雄機場。之後到咗酒店check in 放低行李同食完午飯後。中華台北飛鏢總會理事長洪國峻先生帶我地去一間飛鏢練習場練習， 隊員都好緊張 。因為仲未知道第二天對手嘅實力, 所以大家都加緊練習。練習到5點半，然後我哋就返洒店附近的熱河街食晚飯。

第二天早上我地搭左一小時火車到潮州火車站，潮州中學校長及老師用私家車載我哋去潮州高中。我地今次對手係台灣中學聯隊同潮州高中學生。比賽直到六點鐘,我校飛鏢隊在各項賽事都獲奬。

比賽完結後，大家都跟疲力盡了，於是再要搭一小時火車回高雄市食晚飯。晚飯前，老師帶我地去超市掃貨。

第三天早上我們去左橋頭糖廠參觀，然後就去咗巨蛋站鼎泰豐食小籠包同買手信，最後我坐捷運到高雄機場，乘搭晚機返回香港。

我今日分享到依到，多謝各位，現交比另一個隊友王湖躍分享。

校長、各位老師、各位同學早晨：

我係一和班王湖躍，飛鏢隊副隊長，我今日要同大家分享今次台灣比賽交流得著:

首先，我地學會了團隊精神，因為今次比賽中，有隊際比賽，大家要合力將對手打低，因此我哋學識隊員之間要互相照顧同鼓勵、同商討比賽策略。

此外，因為我哋今次嘅交流團係冇導遊同領隊帶領，全部行程都係由三位帶隊老師負責，分別是 譚淑明老師，麥向新老師， 陳秀芬副校長 ，無論係比賽或參觀方面，所有關於交通安排、膳食安排及比賽安排全由老師負責，三日中，我哋每個人都要互相提點及照顧自己同組隊友。

另一方面，今次嘅交流團比賽我地有以下地方要改善。

第一，喺台灣交流嘅時，大家最大嘅不足之處，係隊友與隊友之間相處有啲矛盾同吵拗，呢樣嘢我覺得係一件好差嘅事，呢啲事件唔可以再發生，我地一定要改善。

而喺我哋比賽完嗰晚，我哋全體隊員去咗其中一個隊員的房間慶祝，可能我哋太過興奮，引致到太嘈，騷擾到隔離房個住客，累到譚淑明老師差啲比人鬧，所以我地以後言行會收歛啲。

最後我地全隊飛鏢隊隊員要多謝下列各人：

首先要多謝 學校 同 黃校長 ，因為係黃校長畀我哋飛鏢隊咁難得嘅一次交流比賽體驗，而且我哋係全港第一對出國比賽的中學飛鏢隊。

第二我哋要多謝中華台北飛鏢總會理事長洪國峻先生，因為係佢幫我哋安排整個比賽嘅事項同埋練習場地。

最後，我哋要多謝三位帶隊老師，分別係陳秀芬副校長、譚淑明老師同麥向新老師，佢哋好辛苦照顧咗我哋三日，幫我哋解決咗內部同埋外部嘅所有問題。

我今日分享到依到，多謝各位